فراخ بطريقه جديده:
🥘المكونات🥘:
فرخه كيلو ونص
راس توم
بصلتين صغيرين
قرنين فلفل حامى
لمون
ورق لورى
جنزبيل فريش (انا استخدمت بودر)
م كبيره بابريكا - م ك كارى - م ك ملح - م صغيره فلفل اسود (انا بطبخ من غير ملح فمحطتش ملح خالص)
كوب زبادى
هوت صوص (اختيارى)
الطريقه:
اولا هنفتح الفرخه من ظهرها ونشيل سلسله الظهر بالرقبه وندوس عليها بايدينا نبططها كده زى الصوره.
فى المطحنه بنطحن ٣-٤ فصوص توم مع قرن فلفل و الجنزبيل - وكل البهارات البودره (بابريكا / كارى/ ملح/فلفل اسود) ونعصر عليهم لمونه كامله وشويه هوت صوص على حسب ما تحبوا الطعم السبايسى.
هندهن الفرخه بالتتبيله دى من كل حته وتحت الجلد كمان (ونشيل معلقه صغيره من التتبيله دى على جنب)
المفروض نسيب الفرخه متبله كده اقل حاجه ساعتين فى التلاجه (انا سيبتها من قبلها بيوم بليل)
فى طاسه نحط شويه زيت (ارتفاع ١ سم) ونحط كام فص توم بقشرهم ، والبصلتين بقشرهم ، وقرن الفلفل (انا حطيت واحد حامى واتنين عاديين ملونين) ، و ورق اللورى وجنزبيل وشويه فلفل اسود ، ونسيبهم ف الزيت لحد ما يسخن...
وبعدين ننزل بالفرخه ، وندوس عليها بأى تقل (انا استخدمت غطا حله اصغر من مقاس الطاسه)....
كل جنب هنسويه ٥ دقايق على نار عاليه ، ١٠ دقايق نار واطيه ، وانا رجعت اديتها كام دقيقه على نار عاليه تانى عشان تاخد اللون (اجمالى ٢٠ دقيقه يعنى لكل جنب)
🛑ملحوظه🛑: الفراخ عشان انا سيبتها فى التتبيله بتاع ١٨ ساعه مثلا ، استوت بسرعه واتفكت منى وانا بقلبها ، وكنت مطمنه جدا انها مش هيكون فيها دم او حاجه.
🍶صوص التقديم🍶:
هناخد الفلفل والبصل والتوم اللى حطناهم بقشرهم تحت الفراخ فى الزيت ونقشرها ونقطعها ناعم اوى بالسكينه (هى هتكون طريه ودايبه من السوا) ، ونحطهم على كوبايه زبادى ، وكمان عليهم المعلقه اللى شيلناها من التتبيله.
(انا عملت زبادى اكتر من كوبايه عشان بنحب الصوصات جنب الاكل جدا و زودت التتبيله شويه، واخدت كمان معلقه من البهاريز اللى نزلت فى زيت القلى وحطتها فى الزبادى)
— — — — — — — — — — — — — — — — — — — —
🍲الخضار🍲ده على مسؤليتى الشخصيه:
ده عباره عن بطاطس 🥔 متقشره ومتقطعه صوابع تخينه شويه
جزر🥕 متقطع بالطول
وكمان بنجر اصفر 🍠 (عارفه ناس هتستغربه بس هو شبه الاحمر عادى بس لونه اصفر دهبى لون البطاطس كده وقشرته تخينه زى البنجر الاحمر) ، متقشر ومتقطع صوابع تخينه برضه (مش بينزل اى لون زى الاحمر ولا بيبهدل الايدين ولا الحله، مسالم وجميل وطعمه مسكر)
سلقت البطاطس نص سلقه فى حله صغيره لوحدها
والبنجر نص سلقه فى حله لوحده
وحطيتهم فى صينيه مع الجزر نى ، وعليهم شويه توم بودر و فلفل اسود ، بابريكا و كركم ، و زعتر و روزمارى وزيت زيتون (قلبى بايدك كله مع بعض)
حطوا رشه ملح عشان البطاطس (انا بطبخ من غيره)
وحطيه فى الفرن (الشوايه من فوق) وحطى الصينيه فى الرف اللى فى النص...لحد ما تحسيها بقت مستويه و واخده لون حلو...
الميكس ده بيكون جميل ، البنجر بيدى طعم مسكر والبطاطس بتكون طريه والجزر بيقرمش سنه
الفلفل الصغير 🌶 ده كان عندى كام واحده كده فتحته من فوق وحشيته جبنه ريكفورد (اللى هى بلوتشيز) عندى بشتريها فى انابيب
وحطيته مع الخضار ف الصينيه ياخد لون
🥘المكونات🥘:
فرخه كيلو ونص
راس توم
بصلتين صغيرين
قرنين فلفل حامى
لمون
ورق لورى
جنزبيل فريش (انا استخدمت بودر)
م كبيره بابريكا - م ك كارى - م ك ملح - م صغيره فلفل اسود (انا بطبخ من غير ملح فمحطتش ملح خالص)
كوب زبادى
هوت صوص (اختيارى)
الطريقه:
اولا هنفتح الفرخه من ظهرها ونشيل سلسله الظهر بالرقبه وندوس عليها بايدينا نبططها كده زى الصوره.
فى المطحنه بنطحن ٣-٤ فصوص توم مع قرن فلفل و الجنزبيل - وكل البهارات البودره (بابريكا / كارى/ ملح/فلفل اسود) ونعصر عليهم لمونه كامله وشويه هوت صوص على حسب ما تحبوا الطعم السبايسى.
هندهن الفرخه بالتتبيله دى من كل حته وتحت الجلد كمان (ونشيل معلقه صغيره من التتبيله دى على جنب)
المفروض نسيب الفرخه متبله كده اقل حاجه ساعتين فى التلاجه (انا سيبتها من قبلها بيوم بليل)
فى طاسه نحط شويه زيت (ارتفاع ١ سم) ونحط كام فص توم بقشرهم ، والبصلتين بقشرهم ، وقرن الفلفل (انا حطيت واحد حامى واتنين عاديين ملونين) ، و ورق اللورى وجنزبيل وشويه فلفل اسود ، ونسيبهم ف الزيت لحد ما يسخن...
وبعدين ننزل بالفرخه ، وندوس عليها بأى تقل (انا استخدمت غطا حله اصغر من مقاس الطاسه)....
كل جنب هنسويه ٥ دقايق على نار عاليه ، ١٠ دقايق نار واطيه ، وانا رجعت اديتها كام دقيقه على نار عاليه تانى عشان تاخد اللون (اجمالى ٢٠ دقيقه يعنى لكل جنب)
🛑ملحوظه🛑: الفراخ عشان انا سيبتها فى التتبيله بتاع ١٨ ساعه مثلا ، استوت بسرعه واتفكت منى وانا بقلبها ، وكنت مطمنه جدا انها مش هيكون فيها دم او حاجه.
🍶صوص التقديم🍶:
هناخد الفلفل والبصل والتوم اللى حطناهم بقشرهم تحت الفراخ فى الزيت ونقشرها ونقطعها ناعم اوى بالسكينه (هى هتكون طريه ودايبه من السوا) ، ونحطهم على كوبايه زبادى ، وكمان عليهم المعلقه اللى شيلناها من التتبيله.
(انا عملت زبادى اكتر من كوبايه عشان بنحب الصوصات جنب الاكل جدا و زودت التتبيله شويه، واخدت كمان معلقه من البهاريز اللى نزلت فى زيت القلى وحطتها فى الزبادى)
— — — — — — — — — — — — — — — — — — — —
🍲الخضار🍲ده على مسؤليتى الشخصيه:
ده عباره عن بطاطس 🥔 متقشره ومتقطعه صوابع تخينه شويه
جزر🥕 متقطع بالطول
وكمان بنجر اصفر 🍠 (عارفه ناس هتستغربه بس هو شبه الاحمر عادى بس لونه اصفر دهبى لون البطاطس كده وقشرته تخينه زى البنجر الاحمر) ، متقشر ومتقطع صوابع تخينه برضه (مش بينزل اى لون زى الاحمر ولا بيبهدل الايدين ولا الحله، مسالم وجميل وطعمه مسكر)
سلقت البطاطس نص سلقه فى حله صغيره لوحدها
والبنجر نص سلقه فى حله لوحده
وحطيتهم فى صينيه مع الجزر نى ، وعليهم شويه توم بودر و فلفل اسود ، بابريكا و كركم ، و زعتر و روزمارى وزيت زيتون (قلبى بايدك كله مع بعض)
حطوا رشه ملح عشان البطاطس (انا بطبخ من غيره)
وحطيه فى الفرن (الشوايه من فوق) وحطى الصينيه فى الرف اللى فى النص...لحد ما تحسيها بقت مستويه و واخده لون حلو...
الميكس ده بيكون جميل ، البنجر بيدى طعم مسكر والبطاطس بتكون طريه والجزر بيقرمش سنه
الفلفل الصغير 🌶 ده كان عندى كام واحده كده فتحته من فوق وحشيته جبنه ريكفورد (اللى هى بلوتشيز) عندى بشتريها فى انابيب
وحطيته مع الخضار ف الصينيه ياخد لون
إرسال تعليق